قليل اللي عرف قدرك ولك يوفيه
وكثير اللي تناسى وصلك الغالي
،،،،
ترا دنياه ماتسوى وهي يجزيه
تزيد الصاع في حاله على التالي
،،،،
ولايفيده دمع عينه ندم يبكيه
لانه يرخصك يمه ولا يبالي
،،،،،،،،،،،،،،،،،،،،،،،،،،،،،،،،،،،،،،،،،
الحمدلله بكل وقت وكل حين
الدين واحد بين عربان وبلد
،،،
ويحتمي بالدين كل العالمين
الرب واحد .مايفرق أي أحد
،،،
إلا بين.. الكافرين. ومسلمين
وبين جنه..وبين نيران تعد
،،،
وزدت قولي بالشكريالسامعين
للإله الواحد الفرد الصمد
،،،
هذي ارضي في ترابه عايشين
بالعزم والطيب ما منا جحد
،،،
فضلها أرض الغبيرا من سنين
خيرها وافي ...بلا عد وعدد
،،،
واما اخلاقي ترا در ثمين
هذا أصل الزين من جد وجد
،،،
وكل سني مع اباضية يزين
كالاصابع فالكفوف بكل يد
،،،
ايه نعيش بين اباضي مؤمنين
وبين شيعي وبين سني كالوتد
،،،
ايدي في يده خوي ن له ضنين
عزمنا رايات ...تبقى للأبد
،،،
مايهمنا من تغطرس او قرين
يدعي ربه بالتفرق لياسجد
،،،
شلي غاضك ياحقود يامشين
بالتشرد ناوي تقلب هالبلد
،،،
يا فشيله كان دين له تدين
هذي هي هقوات دينك يالاسد؟
،،،
وآخر ابياتي بكلمه لك تعين
شايف انجوم السما فالك بعد
،،،
حنا خوه وبالمذاهب فاهمين
ظلنا دين ملأ روح وجسد
،،،
ويا إلهي رد كيد الكايدين
في نحور ماحو ت غيرالحسد
،،،،،،،،،
مدخل ...
" عندما ترغب بتلوين حياتك فإستعن بالألوان التالية : الصبر، الإبتسامة، التفاؤل، الصدقة، حينها ستصبح حياتك جميلة!"
ابياتي،،،،،.
يالاخو يالاجودي عندي لك راي ثمين
خذها مني هالنصيحه فيها ألوان الحياه،
،،،
لون إبها هالحياه دوم في عيونك تزين
وقتك التالي ..وكل أمر ن تريده او تباه
،،،،
أوله كاس الصبر مر ..لكنه يعين
في حوادث هالليالي واللي ثرثر بالشفاه
،،،،
وثانيه ليا هديت بسمه في قلوب المحزين
تحتسب لك كم مثوبه ليا تبسم كل فاه
،،،،
وثالثة لون التفاؤل هي شراع المؤمنين
بيها صده هالتشائم وين ما فكره خذاه
،،،،
ورابعه سرك، تكتمه عن عيون تستبين
خله نية بين ربك لاجل تاخذ لك جزاه
،،،،
صدقة عن هالبريه ليا تمد بيها اليمين
بين قلبك والإله واللي ناوي في عطاه
،،،
هذي هي سر السعاده كان تبغي يا الضنين
عيشتك تبقى هنيه بكل ألوان الحياه
بقلمي ...
ام الدرة
يسعد صباحك ليه شرق بنوره #وقام#
من بعد طول المغيب،يالله أرويني # حنان#
،،،
طول ليلي اتقلب يا حياتي في #المنام#
عين خلق الللله نامت ..وانا بحوالي #مهان#
،،،،،
إمتى تشرق في خفوقي ويبتعد ذاك #الظلام#
وارتوي شربه هنيه واهتني نومي #بأمان#
،،،
لا تغيب ارجوك عني أنا م قوى #هالفطام#
يحترق كلي وجزئي والقلب صابه #احتقان#
،،،
ياالله قرب عندي اكثر ،لا تسلني #فالصيام#
كيف عانت روحي بعدك الله يستر كيف #كان#
،،،
رمستي ويا طيوفك دوم لي إنس #وسلام#
واما زولك في قبالي راحتي ونور #وضمان#
#همس#بقلمي
ليست هناك تعليقات:
إرسال تعليق